Bloggblogg...
Gróa bókavörður - í heimasíðunefnd Þjms- leit við hjá mér. Hún segir ætlunina að samræma útlit á heimasíðum deildanna, þannig að til vinstri séu nokkrir tenglar og undir þeim undirkaflar - síðan mynd sem er týpísk fyrir starfsemina hægra megin.
jæja, þetta blogg ætlar að vera tímafrekt, ég geri bara ekkert af viti í dag.

Jæja þá er nú komið að því að blogga um það sem heila málið snýst um, þ.e. heimasíðu Íþjóðháttadeildar Þetta er netfang Þjóðminjasafnsins því að enn er ekki hægt að fara beint inn á þjóðháttadeild, heldur verða menn að fara inn á heimsíðu Þjóðminjasafnsins og smella á "deildir" og síðan "þjóðháttadeild." En þessu verður breytt fljótlega því að það fer fram gagnger endurskoðun á þessari síðu í heild og hluti af henni er sú enduskoðun sem ég hygg á varðandi þjóðháttadeild.

Hér eru hugmyndir um hvernig það megi verða:
Í augnablikinu er yfirlit um spurningaskrár þjóðháttadeildar inni á heimasíðunni, þar sem sagt er í stuttu máli um hvað hver skrá sé og jafnframt greint frá því hversu margir hafi svarað.
- Þar á bak við hvern útdrátt komi spurningaskráin í heilu lagi (101 spurningaskrá og 27 aukaspurningar). Jafnframt sé gefinn möguleiki á því að þeir sem eru að skoða þetta geti sent fróðleik eða ábendingar varðandi hvert efni.
Ég vildi helst að mynd fylgdi hverri skrá, á skránum frá tveimur síðustu áratugum yrðu það yfirleitt forsíðumyndirnar.
Þetta er náttúrulega það sem taka mun langmestan tíma, því að þó að efnið sé að langmestu leyti til innslegið þá þarf að prófarkalesa það og e.t.v. samræma formið.

-Ritaskrá þeirra sem unnið hafa á þjóðháttadeild í einhver ár samfellt.

Skrá um helstu önnur verk sem unnin hafa verið upp úr efni deildarinnar.

Grundvallar þjóðháttarit íslensk.

Rétt væri að stefna að því að setja eitthvað inn á þjóðháttavefinn í tengslum við helstu merkisdaga eftir því sem þá ber að - fá til þess leyfi Á.B. að taka eitthvað úr hans bókum.

T.d. mætti vera umfjöllun um Þórð Tómasson, skrif hans og framlag hans til deildarinnar þegar hann verður áttræður nú í apríl - hann samdi ásamt Kristjáni Eldjárn fyrstu spurningaskrárnar (reyndar var hann að semja spurningaskrár fyrir þþ alveg fram yfir 1980) og safnaði dobíu af efni fyrir deildina á fyrstu árum hennar.

Í augnablikinu liggur hjá tölvumanni Þjms grein um þorramat eftir mig ásamt nokkrum myndum sem hefur ekki komist inn ennþá. Fleiri greinar gæti ég hugsað mér að láta á heimasíðuna ef vilji er fyrir hendi hjá ráðamönnum - það myndi vísast spara mér allnokkrar fyrirspurnir - t.d. á ég óbirt efni um matarhefðir í föstuinngang (bolludag,sprengidag,öskudag) og matarhefðir á jólaföstu, grein um jólamat, grein um gamlar matargeymsluaðferðir o.fl.

Á ensku á ég tvær greinar annars vegar um mysu og súrmat og hins vegar um kornmeti á Íslandi sem báðar hafa birst í erlendum fræðiritum. Þá á ég grein um þorrablót á dönsku og grein um eldhúsverk á Íslandi á miðöldum á norsku.

Þarf að hugsa um hversu mikið af þessu verður á ensku. Á að láta gera enskan útdrátt úr öllum íslenskum textum?

Þá er komið að tæknilegum vandkvæðum. Á þjms eru það þrír sem eru með forritið Dreamweaver og hafa leyfi til að fást við heimasíðuna. Þjms. mun ekki splæsa fimmtíuþúsundkalli í að láta mig fá forritið - það er líka talið að rétt sé að sem fæstir hafi leyfi til að setja þar inn efni. Hins vegar á ég að hafa ákveðnar hugmyndir um hvernig ég vil hafa síðuna og koma með efnið sem best tilreitt. Spurning er hvort ég geti unnið eitthvað í þeirri tilreiðslu á námskeiðinu - sett inn myndir með spurningaskránum ef ég kem með þær skannaðar t.d. Ég hætti þessum hugleiðingum í dag og sný mér að meira aðkallandi störfum.

Jæja þá er sumarið gengið í garð með þessari líka hitabylgju. Í gær hjólaði ég berfætt í skónum og á peysunni út um allan bæ. Bjó svo til veislumat fyrir unglingana fimm í húsi mínu, í gær varð Guðlaugur sonur minn 22ja ára, blessað barnið, og vildi fá lasagna o.fl. af því tilefni. Ég keypti líka handa honum "Stóru söngbókina" með gítargripum í afmælisgjöf og hann, Þrándur og Kobbi spiluðu á gítar flautu og tölvu og sungu allt síðdegið, svo kom Eva og tók undir en Elli er of mikil gelgja til að geta tekið þátt í svona löguðu og rúntaði um á heimilisbílnum allan daginn með vinum sínum - það er ekkert skemmtilegra þegar maður er nýkominn með prófið. Eftir kvöldmatinn komu nokkrir vinir Gulla í heimsókn og ég sá ekki betur en hópurinn (stundum kallaður "Ungmennafélagið") væri í einhverjum undarlegum samkvæmisleikjum inni í stofu með skellum og sköllum um hríð áður en vídeóglápið hófst. Við gömlu hjónin fórum hins vegar í bíó og sáum Lalla Jones sem er gefur afskaplega athyglisverða innsýn í samfélag þeirra sem verða undir.

bloggbloggblogg
Blogg number five
Hér er dót frá mér á síðunni hjá Salvöru. Hallgerður
Og hér er hann Árni, maðurinn minn

Hér er vefslóð Þjóðminjasafns

blogg number three
bloggbloggblogblogbloggblogblogg
Allar klukkur eru vitlausar og ég er á námskeiði á vegum Hagþenkis og hér sjáið þið vefslóðina.
námskeið
Ég mæli með að fólk skoði vefinn hjá Hagthenki. Það er mikið sómafélag.
hagþenkir

Þá er ég búin að blogga í fyrsta sinn. Ef til vill á ég eftir að gera það oftar, hver veit nú það. Í gærkvöldi lauk krimmanum um blindu lögguna, hann var nú fjári góður, alveg merkilega spennandi þrátt fyrir ákveðinn fyrirsjáanleik. Við sátum stífar af spenningi fyrir framan sjónvarpið á meðan að delinkventunum var náð, einumaf öðrum. vonandi verða Löggurnar í Liverpool eins heillandi og blindi gæinn, sem er að verða eftirlæti íslenskra kvenna eftir sex þætti. En nú er hann Tanner hættur í löggunni - í bili - af persónulegum ástæðum, þ.e. vegna sjónleysis og til að hugsa um litla strákinn sinn. Merkilegt hvað sömu hlutirnir koma alltaf aftur og aftur upp í sjónvarpskrimmunum sem blífa í bili. einstæði faðirinn sem gleymir barninu sínu, hjónabandsvandamál vegna þess hvað spæjarinn vinnur mikið, kynþáttafordómar með öfugum formerkjum, þ.e. svertingjar sem telja viðstöðulaust að blásaklausar löggurnar séu með kynþáttafordóma.

Hæ hó dagbók. Ég er stödd á námskeiði í heimasíðugerð og er að læra að blogga hjá Salvöru Gissurardóttir sem er alveg húkkuð á "blogginu" þessa dagana. Draumavefarinn sem ég taldi mig ætla að kynnast hefur alveg fengið að víkja fyrir blogginu. Svona er nú lífið. Ég held að ég sé að fá flensu - æ nei ég má ekkert vera að því að fá flensu núna en verð víst að taka því eins og hverju öðru hundsbiti ef fjárans flensan er að taka sér bólfestu í mér. Og það er að koma til mín lið í kvöld til að pæla í gönguferð um Fjörður í sumar og frá á morgun - af hverju fær maður alltaf hreint bara flensu á frídögum. En jæja já, sumarið er að koma og ber að gleðjast yfir því, blessuð börnin fá hamborgara í kvöldmatinn og munu örugglega gleðjast yfir því .